旅途

炒了四年豆子開店，Lobby Café用的當然是自家烘培咖啡豆。更難能可貴的是，他們主張的是與咖啡農莊進行直接貿易 (Direct Trade)，買家能根據咖啡品質判定價格，讓咖啡農民受益，也能維持雙方的永續性。

Lobby Café by DS Studio自家烘培咖啡豆，掛耳包及冷泡咖啡 (圖片來源: Gafe Limited)

「其實究竟咩係直接貿易？」對筆者來說，這是一個聽了很多次，但始終似懂非懂的概念。

「傳統咖啡貿易，喺農場同買家中間有個中間商嘅角色。而直接貿易就直接向農民購買，因為無左中間商，農民可以獲得更高利潤，而我哋都獲得更高品質嘅豆。」

「兩種選擇對你嚟講有咩唔同？」

「直接貿易當然個購買價格相對低廉，因為無咗中間商嘅差價。但係變相增加左好多成本同風險。例如如果農莊產量唔好，我哋購買量少通常唔會優先配貨，好容易就斷咗供應。同埋中間要大量時間去確保咖啡豆嘅質量同農民建立互信，呢啲加加埋埋，其實成本反而更高。但係我哋相信呢個係正確嘅選擇，所以就一路咁做。」

「你哋同緊邊度嘅莊園做直接貿易啊？」

「而家主要喺雲南。我哋都有用到非洲同南美洲嘅豆，不過因為運費太貴而我哋嘅購買量太少，做唔到直接貿易。你可能買一公斤嘅豆，空運嘅成本都已經超過兩倍。海運又唔得，因為量太少，又會好易唔見咗啲貨。」

「咁你同雲南嘅莊園係點識㗎？」

「都係機緣巧合。2018年果陣有次去朋友喺雲南西雙版納嘅茶葉莊園參觀，個朋友咁啱撞到一個咖啡農民朋友。對方知道我哋想試當地嘅咖啡，佢話可以帶我哋去睇下佢嘅莊園，講完就即刻起行。以為係十五分鐘嘅車程，點知開咗五個鐘車仲未到，要臨時搵旅館住宿第二日先到達。」Anita拿出手機打開相冊，翻到幾年前的相片給我們看。「啲農民好熱情，我哋到莊園時仲請我哋食蟲添……」

​

​

... 更多